ᲐᲣᲪᲘᲚᲔᲑᲚᲐᲓ ᲛᲝᲡᲐᲜᲐᲮᲣᲚᲔᲑᲔᲚᲘ ᲦᲘᲠᲡᲨᲔᲡᲐᲜᲘᲨᲜᲐᲝᲑᲔᲑᲘ ᲣᲜᲒᲠᲔᲗᲨᲘ

7 ქვეყნით შემოსაზღვრული უნგრეთი ცენტრალური ევროპის გულია, მაგრამ მას თავისი ძლიერი კულტურული იდენტობა აქვს. ბევრი ტურისტი მიეშურება მხოლოდ ბუდაპეშტში, რათა თერმული აბაზანებით, არქიტექტურული ღირსშესანიშნაობებით და ნანგრევებით დატკბეს. მაგრამ აქ მეტი რამაა აღმოსაჩენი: ტბები, ანტიკური ქალაქები, ღვინის რეგიონები. უნგრეთი ევროპის ერთ-ერთი ულამაზესი ქვეყანაა.

ბალატონის ტბა

ბუდაპეშტიდან 1 საათის სავალ გზაზე, ევროპის უდიდესი ტბა – ბალატონი დაგხვდებათ. მისი სანაპირო ერთი დიდი კურორტია – სასტუმროებით, ვენახებით, მთებით და ლანადას მინდვრებით. მას “უნგრეთის ზღვასაც” უწოდებენ. აქ შეგიძლიათ ცურვა, ნავებით კატაობა, სეირნობა და ველოსიპედით სიარული.

ვეზპრემის ციხესიმაგრე

ბალატონის ტბასთან მდებარე Veszprem, პატარა ლამაზი ქალაქია ისტორიული ციხესიმაგრით. მას “დედოფლების ქალაქსაც” უწოდებენ. აქ მეათე საუკუნის კათედრალი, რამდენიმე ხელოვნების გალერეა და კოშკურაც დაგხვდებათ ქალაქზე ხედით.

რეკლამა

პეჩის მოედანი

სამხრეთ უნგრეთში მდებარე ანტიკური ქალაქი – Pécs, ლამაზი კულტურული ჰაბია. აქ ქვეყნის უდიდესი უნივერსიტეტი, გასაოცარი ეროვნული თეატრი, მაღალი დონის საკონცერტო მოედანი და რამდენიმე მუზეუმი და გალერეაა. გამოიკვლიეთ მავზოლეუმის რომაული ნანგრევებიც, რომელიც იუნესკოს დაცული მემკვიდრეობის ძეგლია.

ჰევიზი

Hévíz – ევროპის უდიდესი თერმული ტბაა. სამკურნალო სულფური წყლები 86 გრადუსამდე ცხელდება და საუკეთესო რელაქსაციას გვპირდება. აქვე ეწერებიან წყლის თერაპიებზეც.

რეკლამა

სოფრონი

Sopron – მომხიბვლელი შუასაუკუნოვანი ქალაქია, რომელიც მეორე მსოფლიო ომის დროს დაიბომბა. ის ავსტრიის საზღვართან მდებარეობს და მნიშვნელოვანი ღვინის რეგიონია. დაათვალიერეთ ფერადი ქუჩები და რომაული ნანგრევები, ბაროკოს და რენესანსის სტილის არქიტექტურა. ალპებთან სიახლოვე მის ბუნებასაც შთამბეჭდავს ხდის.

ჰოლოკოს ციხესიმაგრე

ჰოლოკო (Holloko) ტრადიციული უნგრული სოფელია – იუნესკოს დაცული მემკვიდრეობის ძეგლი. აქ სახლების ნაწილი ახლიდან ისე ააგეს, რომ ორიგინალი არქიტექტურა ზუსტად გაემეორებინათ.

ბუდას სასახლე

ბუდაპეშტის ბუდას სასახლე გასაოცარი იუნესკოს ძეგლია – დიდებული დიზაინით. აქ 200-ზე მეტი ოთახი მდებარეობს. მისი გუმბათიდან ქალაქზე და მდინარე დანუბეზე ულამაზესი ხედები იშლება.

ტიჰანი ბენედიქტინის სააბატო

ეს ბალატონის ტბის ყველაზე პოპულარული დასასვენებელი მიმართულებაა. აუცილებლად მოსანახულებელია სასახლე, რომელიც მე-17 საუკუნით თარიღდება. აქედან ძველ ნავსადგურში ადვილად მოხვდებით, დატკბებით გემებით და ბულვარში სეირნობით.

ლილაფურედის გამოქვაბულები

The Caves of Lillafüred – უნგრეთის მორიგი პოპულარული სპა მიმართულებაა. ის ცნობილია გამოქვაბულებით, რომლებიც სტალაქტიდებით და სტალაგმიტებით არიან მორთულნი.

უნგრეთის ღია ცის ქვეშ მუზეუმი

იმისათვის, რომ ტრადიციული უნგრული კულტურა გაიცნოთ, ამ მუზეუმს უნდა ეწვიოთ (Hungarian Open Air Museum). ის ბუდაპეშტიდან სულ რაღაც 23 კილომეტრში მდებარეობს და ტურისტებს 8 სხვადასხვა რეგიონის და პერიოდის გამოფენას სთავაზობს. აქ სეირნობაში დროს სასიამოვნოდ გაატარებთ.

ეგერის ციხე

Eger Castle – უნგრეთის ისტორიული ციხესიმაგრეა, რომელის სპა ქალაქ ეგერში მდებარეობს. ის ერთ დროს ჩრდილოეთ უნგრეთს მტრებისგან იცავდა.

ვიშეგრადის სამეფო სასახლე

ბუდაპეშტიდან 40 კილომეტრში Visegrád Royal Palace-ის ნანგრევებია შემორჩენილი, რომელსაც უნგრეთის დედაქალაქში ყოფნისას ადვილად მოინახულებთ. გარშემო მდინარე დანუბეს და ლამაზი ლანდშაფტის ხედებია.

აგლეტეკის ეროვნული პარკი და გამოქვაბულები

Aggtelek National Park & Caves – ევროპის ერთ-ერთი ყველაზე დიდი და შთამბეჭდავი გამოქვაბულია სტალაქტიდებით. ის ბუდაპეშტიდან 2.5 საათის გზაზე მდებარეობს. 7 კილომეტრიან გვირაბში ქვების გასაოცარი ფორმაციები დაგხვდებათ.

წყარო:https://www.shenimegzuri.ge