Sheniemigranti.ge ამჯერად ქართველი ემიგრანტის ამერიკულ ცხოვრებაზე გიამბობთ…
გასაგებია, რომ აშშ დიდი შესაძლებლობების ქვეყანაა, სადაც 325 მილიონზე მეტი ადამიანი ცხოვრობს, თუმცა მაინც საინტერესოა, რატომ ტოვებს ადამიანი საკუთარ ქვეყანას და ემიგრანტად აშშ-ში მიდის…? გიამბობთ ერთ პატარა ისტორიას ამ საკითზე:
აშშ-ში ბევრი ემიგრანტია, მათ შორის ემიგრანტად დაბადებული ბავშვებიც. ამასთანავე, ბევრად მეტია ის, ვისაც შეერთებულ შტატებში გადასვლა სურს.
სიტყვის თავისუფლება, ანაზღაურებადი თანაფარდობა, კულტურული მრავალფეროვნება, ბუნება, ჯანსაღი საკვების სიჭარბე და მედიცინის ხარისხი გადაადგილების ძირითადი მიზეზებია. ემიგრანტები ცხოვრებისთვის აშშ-ის დიდ ქალაქებს მიაშურებენ ხოლმე…
მე ნიუ-იორკში მცხოვრებ ერთ-ერთ ემიგრანტს გავესაუბრე და ვთხოვე, გაეზიარებინა ჩემთვის, თუ როგორია ცხოვრება ემიგრანტებისთვის ამერიკაში და რატომ მიაშურებენ ისინი ამერიკას…
მისი თქმით, ემიგრანტები ყველაზე ხშირად აშშ-ის დიდ ქალაქს – ნიუ-იორკს ეწვევიან ხოლმე, რადგან სხვა შტატებისაგან განსხვავებით, ამ ქალაქში საშუალება გაქვს, მიიღო ჯანმრთელობის დაზღვევა საბუთების გარეშე.
ჩვენი რესპონდენტის თქმით, რთულია, თუ ენის ბარიერი გაქვს. თავდაპირველად მისი ანაზღაურება დაბალი იყო, რაც დამეთანხმებით, ნამდვილად ცუდია, როცა გიწევს ქირის გადახდაც და საკუთარი თავის შენახვაც. 4 წლის წინ მან ახალი სამსახური და ცხოვრება დიდ გამოწვევად მიიღო და ახლა ფიქრობს, რომ ვერაფერი შეაშინებს მას ცხოვრებაში.
“ნიუ-იორკში თუ გასართობად გასვლა მოგინდებათ, საკმაოდ ძვირია… თუმცა შეგიძლია მუზეუმები დაათვალიერო, ულამაზესი ქუჩები მოიარო და დრო სასიამოვნოდ გაატარო…”- გირჩევთ ჩვენი რესპონდენტი აშშ-დან.
ავტორი: ლიზი გრიგოლავა
QR კოდი
სტატიის ციტირება
შენი ემიგრანტი. (2025). “ნიუ-იორკში საშუალება გაქვს, მიიღო ჯანმრთელობის დაზღვევა საბუთების გარეშე”- აშშ-ში მცხოვრები ემიგრანტის რჩევები. 11 ივლისი, 2025. https://sheniemigranti.ge/ashsh-emigranti/
