ტყეები და მთები მათში ჩამალული ანტიკური ბერძნული და რომაული ნანგრევებით, ჩანჩქერებით და სალაშქრო გზებით – ანტალია თავგადასავლების მოყვარულთა საოცნებო ადგილია. აქ გემრიელი საჭმელი და ცნობილი ხმელთაშუაზღვის სანაპიროა – აუცილებლად მოსანახულებელი თურქეთშიმოგზაურობისას. ანტალია ოჯახურ მოგზაურობასაც სარელაქსაციოს გახდის, რადგანაც აქ ბავშვებისთვის ბევრი აქტივობაა.
კალეიჩი – ძველი უბანი
დასხედით წყლისპირა კლდეებზე და ძველ სანაპიროზე, კალეიჩი ქალაქის ყველაზე რომანტიკული უბანია, საუკეთესო საკვები ობიექტებით და ღამის ცხოვრებით. ქვაფენილიანი ქუჩები ლამაზ შენობებს შორის გატარებთ. აყევით კალეიჩის პანორამულ ლიფტს, რათა ამ ადგილს ზევიდან გადმოხედოთ.
კარაალიოგლუს პარკი
ეს წყლისპირა პარკი (Karaalioğlu Park) ქალაქის ცენტრში ერთ-ერთი საუკეთესო ადგილია რათა ხმელთაშუა ზღვაზე ხედებით დატკბეთ. აქ არის რომაული პერიოდის ჰიდირლიკის კოშკიც, საიდანაც ქალაქს მშვიდად მოავლებთ თვალს. ძველ უბანში გემრიელად მირთმევის შემდეგ, აქ მედიტაციურ და რომანტიკულ გასეირნებას მოიწყობთ. უზარმაზარ ოაზისში ეგზოტიკურ მცენარეებს და ხეებს გადააწყდებით.
ანტალიის არქეოლოგიური მუზეუმი
ძველი უბნიდან ორ კილომეტრში, ანტალიის არქოლოგიურ მუზეუმში განსაკუთრებული ქანდაკებები და არტეფაქტები დაგხვდებათ, მათ შორის ზევსის, ათენას და აფროდიტას სკულპტურები. აქ 13 საგამოფენო დარბაზია, ასევე საბავშვო სივრცე. გაითვალისწინეთ, რომ თურქეთში მუზეუმები ორშაბათობით იკეტებიან.
თურქული აბანო – ჰამამი
დატვირთული დღის შემდეგ, განიტვირთეთ ჰამამიში. ერთ-ერთი მათგანი კალეიჩის სიახლოვეს მდებარეობს. აქ საუნა და ორთქლის აბაზანები დაგხვდებათ, ასევე სხვადასხვა ტიპის მასაჟის სერვისები.
კონიალთის სანაპირო
7 კილომეტრი სიგრძის სანაპირო (Konyaaltı Beach) მშვენიერი ადგილია ქალაქის შუაგულში რომ ცურვით ისიამოვნოთ. წყლის და ქვიშის სისუფთავის გამო ამ ადგილმა ლურჯი დროშის წოდება მოიპოვა. აქ ნახავთ მაღაზიებს, კალათბურთის სტადიონს და სხვა დაწესებულებებს.
კურსუნლუს ჩანჩქერი
მშვენიერი Kurşunlu Falls ქალაქის სიახლოვეს არსებულ დიდ პარკში მდებარეობს. ჩანჩქერები ბუნებრივ აუზს ქმნიან. საპიკნიკოდ აქ ბევრი ადგილი და სიმწვანეა.
კოპრულუს კანიონის ეროვნული პარკი
ანტალიიდან 2 საათის სავალ გზაზე, ამ ეროვნულ პარკში (Köprülü Canyon National Park) ულამაზესი ტყე, მდინარე და კანიონი დაგხვდებათ. კლდეები სიმაღლეში 400 მეტრს აღწევენ და ლანდშაფტს უფრო დრამატულს ხდიან. აქ ტურ ოპერატორები სხვადასხვა აქტივობას რეგულარულად მართავენ.
ანტიკური თეატრი თერმესოსი
ქალაქის ცენტრიდან 1 საათის გზაზე, მსოფლიო დონის ანტიკური თეატრის ნანგრევებია. ფონზე არსებული ტაურუსის მთები თეატრს განსაკუთრებულ ხიბლს სძენს. ჩაიცვით მოხერხებულად და თან იქონიეთ წყალი.
ანტალიის აკვარიუმი
ანტალიის აკვარიუმში მსოფლიოს უდიდესი გვირაბი მდებარეობს – 131 მ. სიგრძის. 40 თემატური აკვარიუმი და ყინულის მუზეუმი, სადაც ბავშვები რეალური თოვლით ითამაშებენ, ტროპიკული რეპტილიების სახლი და ოკეანის თემატიკის კინოთეატრი დროს სასიამოვნოდ გაგაყვანინებთ.
ანტალიის აკვაპარკი
ფერადი სასრიალოებით და ბევრი აუზით, ანტალიის აკვაპარკი ბავშვებისთვისაც და დიდებისთვისაც ნამდვილად გასართობი ადგილია. აქვეა დელფინარიუმიც, სადაც ბავშვებს მეგობრულ დელფინებთან ერთად ცურვაც შეუძლიათ.
ლუნაპარკი
ეს გასართობი პარკი ბევრ ატრაქციონს გვთავაზობს: როგორც საბავშვოს, ასევე ექსტრემალურს. აქ ცნობილი საშინელებათა სახლიც მდებარეობს, ბნელი გვირაბი დაწყევლილ ციხესიმაგრეში.
