AI-პრეპარატების კვლევის სტარტაპ Insilico-ს აღმასრულებელი დირექტორის განცხადებით, ხელოვნური ინტელექტის მიერ გენერირებული პრეპარატები კომერციულად ხელმისაწვდომი ათწლეულის ბოლოსთვის იქნება. კომპანია გეგმავს, რომ ამ მიმართულებით ისინი პირველები იყვნენ.
Bloomberg Television-თან ინტერვიუს დროს გაკეთებული განცხადების მიხედვით, Insilico Medicine-ის აღმასრულებელი დირექტორი ალექს ჟავორონკოვი, პირველი პრეპარატის ბაზარზე გაშვებას უახლოეს 5-6 წელიწადში მოელის. მისივე განცხადებით, სტარტაპი უკვე 40-ზე მეტ პროგრამაზე მუშაობს და შესაბამისად, ელოდებიან, რომ ბაზარს AI-პრეპარატებს პირველები სწორედ ისინი შესთავაზებენ.
ჟავორონკოვის თქმით, Insilico, სხვა კომპანიებისგან განსხვავებით, ხელოვნურ ინტელექტს მუშაობის ყველა ეტაპზე იყენებს – მათ შორის, სამიზნე ჰიპოთეზიდან წამლის ოპტიმიზაციამდე. მისივე განცხადებით, ამ მიდგომით, ადამიანებზე კვლევისთვის მზა პრეპარატებს უზრუნველყოფენ.
Insilico, ამ ეტაპზე, აშშ-ში, ჩინეთში, ახლო აღმოსავლეთსა და კანადაშია წარმოდგენილი. ცოტა ხნის წინ კი სტარტაპმა ჰონგ-კონგის საფონდო ბირჟაზე დასალისტად განაცხადიც წარადგინა. დალისტვაზე განაცხადის წარდგენამდე, სტარტაპის ღირებულებამ, დაფინანსების კერძო რაუნდით, $1 მილიარდს გადააჭარბა.
ფარმაცევტული ინდუსტრია AI-ის ჩართულობას მედიკამენტების წარმოების დაჩქარებისა და ხარჯების შემცირების კუთხით წლებია, იკვლევს. ფარმაცევტული კომპანია Tekada ამჟამად ხელოვნური ინტელექტის გამოყენებით ფსორიაზის სამკურნალო პრეპარატის ტესტირების ბოლო ეტაპზეა. კვლევის საბოლოო მონაცემები, სავარაუდოდ, წელსვე იქნება ხელმისაწვდომი.
ფოტო: Anna Shvets / Pexels
