23-24 მარტს ათენში, კიფსელზე, ქართული „ბიზნეს ფესტივალი“ გაიმართება!
2024 წლის 23-24 მარტს ათენში ქართული ფესტივალი გაიმართება,რომელსაც კიფსელის მუნიციპალური ბაზარი უმასპინძლებს. ეს ფესტივალი ორგანიზებულია ქართული სახლის მიერ. ფესტივალზე წარმოდგენილი იქნება ათენში მყოფი საქართველოს მოქალაქეების ხელნაკეთი ნამუშევრები, ხელოვნების ნიმუშები, რომელთა გამოფენაც მოეწყობა. ასევე, სამზარეულო კერძებისა და ხეზე მომუშავეების გამოფენა, რომელშიც მონაწილეობას მიიღებენ ათენში არსებული ქართული რესტორნების მფლობელები.
ასევე დაგეგმილია წიგნების გაყიდვა-გამოფენა და კალიგრაფიის მასტერკლასი. ღონისძიებაში მონაწილეობის მისაღებად წარდგება 20-ამდე ჩვენი თანამემამულე. გამოფენა-გაყიდვას გაალამაზებენ ათენში არსებული ქართული ქორეოგრაფიული, ფოლკლორული და ვოკალური ანსამბლები.
წყარო: https://georgians.gr/23-24-marts-athenshi-kyfselze-qartuli/
მასალის გამოყენების პირობები
