ძიუდოისტი გიორგი სარდალაშვილი- პარიზის 2024 წლის ოლიმპიურ თამაშებზე დღეს ძიუდოისტთა ტურნირი დაიწყო, სადაც მსოფლიო მოქმედი ჩემპიონი გიორგი სარდალაშვილი (60კგ) თავის სადებიუტო ოლიმპიადაზე ოქროს მედლისთვის იჭიდავებს.
21 წლის ქართველმა პირველი წრეში დაისვენა, მერვედფინალში კი კონგოელარნოლდ კისოკასა და ისრაელის ნაკრების წევრს, იამ ვოლჩაკს შორის გამარჯვებულს დაუპირისპირდა და დიდი გამარჯვება მოიპოვა.
ფინალური ბლოკი საქართველოს დროით 18:00 საათზე გაიმართება.
შეგახსენებთ, რომ ძიუდოისტთა ტურნირი 2 აგვისტოს დასრულდება. 3 აგვისტოს კი პარიზის 2024 წლის ოლიმპიურ თამაშებზე შერეული გუნდური შეჯიბრება გაიმართება, რომელშიც საქართველოს ნაკრები ისტორიაში პირველად იასპარეზებს.
ფოტო: Kampus Production / Pexels
