“მოგესალმებით, მე ვარ ირაკლი ნინუა – ქართველი მოგზაური და ციფრული ნომადი… ამ პოსტში მინდა, მოგიყვეთ სემენიაკის შესახებ…
… ბალიზე ჩამოფრენიდან მეორე დღეს დავბინავდი ჩანგუში. ჩანგუ შეიძლება ითქვას რომ საერთოდ არ მომეწონა. ეს ლოკაცია იყო ძალიან ხმაურიანი, გადატვირთული, არააუთენტური და თითქოს ზედმეტად კომერციული. არც სანაპირო მომეწონა – წყალი ცივი, ტალღები დიდი, ქვიშა შავი…
როგორც იქნა, ჩამოსვლიდან მეათე დღეს მოვახერხე სემენიაკში გადაბარგება. სემენიაკი გამოდგა გაცილებით წყნარი, უფრო ლამაზი, მოვლილი და სასიამოვნო ლოკაცია. სემენაკში არის ყველაფერი: ლამაზი სანაპირო, შესანიშნავი კაფე-რესტორნები, კლუბები, მაღაზიები, მარკეტები, სალონები… ერთი სიტყვით ყველაფერი, რაც დამსვენებელს სჭირდება. ფასები ცოტათი მაღალი ჩანგუსთან შედარებით. მგალითად, საცხოვრებელში აქ 20 დოლარს ვიხდიდი, ერთი კვირის შემდეგ კი ვიპოვე უკეთესი და უფრო იაფი საცხოვრებელი.
ტალღები სემენიაკის სანაპიროზე ძალიან ძლიერია – ამიტომაც ცურვა აქ, ფაქტობრივად, შეუძლებელია.
რაც ყველაზე ძლაინ მომეწონა სემენიაკში, ეს იყო რამდენიმე კილომეტრიანი სანაპირო გზა, რომლითაც სემენიაკიდან კუტამდე ფეხით გასეირნების ულამაზესი საშუალება იყო. (Beachwalk). ერთელ აქ ღამით გიგანტურ ზღვის კუსაც კი გადავეყარე, რომელიც ნაპირზე კვერცხების დასადებად ამოვიდა.
სემენიაკში გავატარე თითქმის ორი კვირა, რის შემდეგაც კუნძულ ბალის ცენტრალური და სამხრეთ ნაწილის დათვალიერება გავაგრძელე, თუმცა ამაზე უკვე შემდეგ პოსტებში გიამბობთ…
ავტორის შესახებ:
უკვე თითქმის 8 წელია, რაც არსად აღარ ვცხოვრობ, უფრო სწორად კი მთელი მსოფლიო ვაქციე ჩემს სახლად
2016 წელს მივიღე გადაწყვეტილება და ავირჩიე ნომადური ცხოვრების სტილი. სხვადასხვა ქვეყანაში ცხოვრების გამოცდილება ადრეც მქონდა – მიცხოვრია მსოფლიოს 5⃣ ქვეყანაში, თუმცა მას შემდეგ, რაც ციფრული ნომადი გავხდი, თითოეულ ქვეყანაში, როგორც წესი, 2 კვირიდან 4 თვემდე ვატარებ.
რამდენიმე საინტერესო ფაქტი ჩემს შესახებ: მაქვს 4⃣ უმაღლესი განათლება და ჯეროვნად ვფლობ ენას. ვარ ნამყოფი 6⃣5⃣ ქვეყანაში და 6⃣ კონტინენტზე.
მადლობა ყველას, ვინც უკვე დამაფოლოვეთ ფეისბუქზე #iraklininua
ფოტო: Boys in Bristol Photography / Pexels
