საბერძნეთი – რომელი სანახაობრივი ადგილების სტუმრობის გარეშე არ უნდა წამოხვიდიეთ საბერძნეთიდან?
ყოველ წელს საბერძნეთის სანაპიროებს უამრავი ტურისტი სტუმრობს, თუმცა ხშირად გვავიწყდება, რომ ეს უდიდესი ისტორიის მატარებელი ქვეყანაცაა. ერთად გადავავლოთ თვალი საბერძნეთის ულამაზეს და ყველაზე პოპულარულ ადგილებს.
დავიწყოთ დედაქალაქით. ათენი საბერძნეთის გულია. დღისით ყველა დადის ექსკურსიაზე და ზღვაზე, საღამოს კი ბარებსა და ღამის კლუბებში. და როგორც ყველა დედაქალაქში აქ ცხოვრება „დუღს“.
ათენში აუცილებელი სანახავია ქალაქის სიმბოლო – აკროპოლისი. აქ უძველესი ქანდაკებების ასლებია, თვითონ ორიგინალებს კი იპოვით ლუვრში, ბრიტანეთის და აკროპოლისის მუზეუმებში. აკროპოლისის მთავარი ტაძარი საბერძნეთის ყველაზე დიდებული ისტორიული ძეგლია.
ათენიდან 180 კმ -ში მდებარეობს ძველბერძნული ქალაქი დელფო. თანამედროვე დელფო ეს ღია ცის ქვეშ მდებარე მუზეუმია, სადაც საათობით შეგიძლიათ სიარული და უძველესი არქეოლოგიური ძეგლებით ტკბობა. იქ მოხვედრისას აუცილებლად ნახეთ აპოლონის ტაძარი, რომელიც აქამდე ერთ-ერთი ყველაზე მდიდრული ნაგებობაა.
დელფოსში შეგიძლიათ ნახოთ ანტიკური სტადიონი, რომელიც თავის დროზე 5000 მაყურებელს იტევდა, აქვეა უძველელი თეატრი შეუდარებელი ხედით აპოლონის ტაძარზე.
როგორც ხედავთ, საბერძნეთი მდიდარი ისტორიის და კულტურის მატარებელი მზიანი ქვეყანაა, რომელიც ყოველწლიურად მილიონობით ნებისმიერი გემოვნების ტურისტს იზიდავს.
#drpkhakadze #gochadze #sheniemigranti
