-
ბრანდენბურგის კარიბჭე
ბრანდენბურგის კარიბჭე — ყოფილი ქალაქის კარიბჭე და ბერლინის სიმბოლო. მდებარეობს პარიზე პლაცაზე და ერთადერთი შემორჩენილი შემოსასვლელი კარიბჭეა ისტორიულ ქალაქში. ჩრდილოეთით ერთ ბლოკში რაიხსტაგი მდებარეობს. კარიბჭე მონუმენტური დასასრულია უნტერ დენ ლინდერის (ცაცხვების ხეივანი-ბულვარი), რომელიც სამეფო რეზიდენციამდე იშლებოდა. კარიბჭე შეუკვეთა ფრიდრიხ ვილჰემ მეორემ, როგორც მშვიდობის სიმბოლო და აიგო კარლ გოტჰარდ ლანგანსის მიერ 1788-1791 წლებში.
2. რაიხსტაგის შენობა
რაიხსტაგის შენობა ბერლინში აგებულ იქნა გერმანიის იმპერიის პარლამენტის — რაიხსტაგის განსათავსებლად. შენობა გაიხსნა 1894 წელს და მასში რაიხსტაგი იმყოფებოდა 1933 წლამდე. 1999 წელს არქიტექტორი ნორმან ფოსტერის პროექტით აღდგენილი შენობა ისევ გახდა გერმანიის პარლამენტის ბინა. ამჟამად გერმნიის პარლამენტს ბუნდესტაგი ჰქვია. რაიხსტაგი როგორც პარლამენტი საფუძველს საღვთო რომის იმპერიიდან იღებს და პარლამენტის მნიშვნელობა ნაცისტების მმართველობის პერიოდში დაკარგა . ამჟამად გერმანულად ტერმინი რაიხსტაგი შენობას მიუთითებს, რომელშიც ბუნდესტაგია განთავსებული.
3.ქალაქი ვორმსი
ქალაქი ვორმსი მდ. რაინის ნაპირებზეა გაშენებული და რაინლანდ-პფალცის რეგიონში მდებარეობს. სურათზე აღბეჭდილია ვორმსის წმინდა პეტრეს ტაძარი, რომელიც რომაულ-კათოლიკური ეპარქიის ცენტრი იყო მეშვიდე საუკუნემდე, მოგვიანებით კი, შუა საუკუნეების სახელმწიფოებრივი წარმონაქმნის – ბურგუნდიის სამეფოს დედაქალაქი.
დაკვირვებული თვალი აუცილებლად შეამჩნევს ქალაქის არქიტექტურაზე ძველ რომაულ გავლენას. ვორმსს შენარჩუნებული აქვს ძველებური იერსახე, რაც მეტ ეშხს სძენს ქალაქს.
4.სამუზეუმო კუნძული
სამუზეუმო კუნძული მსოფლიოს სხვადასხვა მხრიდან ჩამოსული ტურისტებისა და ხელოსვნების მოყვარეთა მიზიდულობის ცენტრია.1999 წლიდან არქიტექტურული და კულტურული ანსამბლი იუნესკოს მსოფლიო საგანძურის სიაშია შეტანილი.
