“საქართველოს მოქალაქეებს შეგვიძლია, უვიზოდ 28 დღე დავრჩეთ ამ ულამაზეს ქვეყანაში” – ირაკლი ნინუას თვალით დანახული ბარბადოსი
როგორია ქართველი მოგზაურის, ირაკლი ნინუას, თვალით დანახული ულამაზესი ბარბადოსი? 🇧🇧
” barbados – ქვეყანა, რომლის მონახულებაც ბოლო 10-15 წლის განმავლობაში ოცნებად მქონდა. ბარბადოსმა ყველა მოლოდინი გაამართლა და გადააჭარბა კიდეც…
ბარბადოსში გავატარე 1 თვე და მომეჩვენა, თითქოს, ეს იყო ჩემი ცხოვრების ყველაზე “სწრაფი” ერთი თვე 😆…
უგემრიელესი სამზარეულო, ძალიან ლამაზი და მეგობრული ხალხი და რაც მთავარია – საოცარი ინფრასტრუქტურა და უსაფრთხოება.
საქართველოს მოქალაქეებს შეგვიძლია, უვიზოდ 28 დღე დავრჩეთ ბარბადოსში, თუმცა შესაძლებელი ყოფილა გახანგრძლივებაც, რაც სულ რაღაც 50 დოლარი ჯდება, რაც, სამწუხაროდ, მე არ ვიცოდი.
ასევე, ბარბადოსში ჩამოსვლა საქართველოს მოქალაქეებისთვის ყველაზე იოლი არის ფრანკფურტიდან. Condor- ის ავიახაზებს აქვთ თითქმის პირდაპირი რეისი ბარბადოსზე, რაც იმას ნიშნავს, რომ არანაირი ტრანსზიტული ვიზა არ დაგჭირდებათ.
ერთი თვის განმავლობაში ძალიან ბევრი ფოტო და ვიდეო მასალა, ასევე ბევრი ინფორმაცია დამიგროვდა ბარბადოსის შესახებ, რომელსაც
თანდათანობით სიამოვნებით გაგიზიარებთ.”
ავტორის შესახებ:
უკვე თითქმის 8 წელია, რაც არსად აღარ ვცხოვრობ, უფრო სწორად კი მთელი მსოფლიო ვაქციე ჩემს სახლად🌍🏠
2016 წელს მივიღე გადაწყვეტილება და ავირჩიე ნომადური ცხოვრების სტილი. სხვადასხვა ქვეყანაში ცხოვრების გამოცდილება ადრეც მქონდა – მიცხოვრია მსოფლიოს 5️⃣ ქვეყანაში, თუმცა მას შემდეგ, რაც ციფრული ნომადი გავხდი, თითოეულ ქვეყანაში, როგორც წესი, 2 კვირიდან 4 თვემდე ვატარებ.
რამდენიმე საინტერესო ფაქტი ჩემს შესახებ: მაქვს 4️⃣ უმაღლესი განათლება და ჯეროვნად ვფლობ 🔟 ენას. ვარ ნამყოფი 6️⃣5️⃣ ქვეყანაში და 6️⃣ კონტინენტზე.
მადლობა ყველას, ვინც უკვე დამაფოლოვეთ ფეისბუქზე ❤️ #iraklininua
