გერმანიის განათლების სისტემა – ყველაფერი, რაც უნდა იცოდეთ
გაინტერესებთ, როგორ ფუნქციონირებს უმაღლესი განათლების სისტემა გერმანიაში?
გერმანიის განათლების სისტემაში 20 000 ზე მეტი მიმართულებაა და აქედან 1800 საერთაშორისოა, ძირითადად ინგლისურენოვანი (დაახლოებით 400 უმაღლესში). გერმანიაში დაახლოებით 2.9 მილიონი სტუდენტია, საიდანაც 320 000 უცხო ქვეყნის მოქალაქეა. ისინი სწავლობენ უნივერსიტეტებში, სხვადასხვა ინსტიტუტში (გამოყენებითი მეცნიერების მიმართულებით) ან ხელოვნების სფეროსთან დაკავშირებულ უმაღლესებში (ხელოვნება, ფილმოგრაფია ან/და მუსიკალური სასწავლებლები). სტუდენტები სწავლის დასრულების შემდეგ იღებენ, ბაკალვრის ან/და მაგისტრის ხარისხს, აბარებენ სახელმწიფო გამოცდას ან აგრძელებენ სწავლას დოქტორანტურაზე.
მიმართულებები იყოფა ჯგუფებად: აგრარული და სატყეო, სოციალური მეცნიერებები, ინჟინერია, ხელოვნება, მუსიკა, დიზაინი, სწავლება, მათემატიკა, ბუნებისმეტყველება, მედიცინა, ჯანდაცვა, ენები და კულტურა, ასევე ეკონომიკა და სამართალი.
სახელმწიფო უნივერსიტეტებში არ არის გადასახადი. სტუდენტი იხდის მხოლოდ სწავლის სემესტრულ შენატანს (დაახლ. 50-150 ევრო თვეში) ადმინისტრაციული ხარჯებისა და სამგზავრო ბარათისთვის.
წელი იყოფა ორ სემესტრად. ზამთრის სემესტრი იწყება 1-ლ ოქტომბერს და გრძელდება მომდევნო წლის 31 მარტამდე, ხოლო ზაფხულის სემესტრი იწყება 1-ლ აპრილს და მთავრდება 30 სექტემბერს. პროფესიულ უმაღლეს სასწავლებლებში სწავლა ერთი თვით ადრე იწყება. ყოველი სემესტრის დასასრულს არის არდადეგები. ამ დროს არ ტარდება ლექციები, მაგრამ ხანდახან ინიშნება გამოცდები. სტუდენტებს რიგ შემთხვევაში ეძლევათ დასაწერად ნაშრომი, რომელიც არდადეგების პერიოდში უნდა ჩააბარონ.
Sheni Network
სტატიის ციტირება
SheniEmigranti.ge. გერმანიის განათლების სისტემა – ყველაფერი, რაც უნდა იცოდეთ [Internet]. თბილისი: Sheniemigranti.ge; 2025 [ციტირებულია: 2026 სექ 9]. ხელმისაწვდომია: https://sheniemigranti.ge/%e1%83%a7%e1%83%95%e1%83%94%e1%83%9a%e1%83%90%e1%83%a4%e1%83%94%e1%83%a0%e1%83%98-%e1%83%a0%e1%83%90%e1%83%aa-%e1%83%92%e1%83%94%e1%83%a0%e1%83%9b%e1%83%90%e1%83%9c%e1%83%98%e1%83%98%e1%83%a1/
sheniemigranti.ge
