აუტიზმის სპექტრის აშლილობა არის ნეიროგანვითარების აშლილობა, რომელიც ხასიათდება სოციალური კომუნიკაციის დეფიციტით, შეზღუდული ინტერესებითა და განმეორებადი ქცევებით.
აუტიზმი უფრო მეტად გავრცელებულია ვაჟებს შორის, ვიდრე გოგონებს შორის, თანაფარდობით 4:1. ამერიკის დაავადებათა კონტროლისა და პრევენციის ცენტრის მიმდინარე მონაცემებით, 68-დან 1 ბავშვს აქვს აუტისტური სპექტრის აშლილობა.
თუმცა ბოლო წლების მონაცემებით აუტიზმის შემთხვევები გაცილებით გახშირდა.
ათენში, ქართულ-ბერძნული კულტურული და საგანმანათლებლო ცენტრი “პეგასი-მერანის” სკოლამდელი ასაკის აღსაზრდელთა ჯგუფში, უკვე ერთი წელია თერაპიებს ატარებს აუტისტური სპექტრის პაციენტებთან ბავშვთა ფსიქოლოგი და ქცევითი თერაპევტი გვანცა ბუთხუზი.
გთავაზობთ რჩევებს და მითითებებს რომელიც მშობლებმა აუცილებლად უნდა გაითვალისწინონ!
არ არსებობს აუტიზმისა და აუტისტური სპექტრის აშლილობების გამომწვევი ერთი მიზეზი.
მეცნიერებმა მოახდინეს იშვიათი გენური მუტაციების იდენტიფიცირება, რომელიც პირდაპირ კავშირშია აუტიზმის განვითარებასთან, ასე რომ, რისკ- გენები და გარემო ფაქტორების კომბინაცია თამაშობს გარკვეულ როლს აუტიზმის განვითარებაში.
აუტიზმი არის მდგომარეობა! რომელიც მთელი ცხოვრების მანძილზე გრძელდება, ის არ არის დაავადება შესაბამისად არ იკურნება, ყველაზე მნიშვნელოვანია და კარგ შედეგს დებს ადრეული დიაგნოსტირება და მულტიდისციპლინირებული გუნდის ჩართულობა.
სასიგნალო ნიშნები -სიმპტომები
– [ ] არ ღუღუნებს (12 თვისთვის)
– [ ] არ არის სასურველი საგნის მინიშნება თითით
– [ ] არ რეაგირებს (ან შერჩევითად რეაგირებს) სახელზე
– [ ] არ იჩენს ინტერესს ბავშვების მიმართ
– [ ] არ თამაშობს ფუნქციურად
– [ ] არ უზიარებს ოჯახის წევრებს ემოციებს
– [ ] არ ასრულებს მარტივ ინსტრუქციებს
– [ ] ზედმეტი მგრძნობელობა ხმაურის მიმართ
– [ ] სტერეოტიპული მოძრაობა
– [ ] ქცევის დარღვევა: სასურველის არ შესრულების შემთხვევაში გადამეტებულად ტირილი, ყვირილი, კივილი, ტემპერ-ტანტრუმის (მრისხანების შეტევა) განვითარება.
ალბათ ყველა მშობლისთვის რთულია იმის აღქმა, რომ ბავშვს პრობლემა აქვს, თუმცა როდესაც საუბარი აუტიზმზეა, სწრაფად რეაგირება გადამწყვეტ როლს ასრულებს, ასე რომ აუცილებელია მეტად ჩართულობა, დაკვირვება იმისთვის რომ ბავშვის განვითარებისთვის ასეთ მნიშვნელოვან დროს არაფერი გამოგვეპაროს, აუტიზმის მქონე ადამიანებს, სრულფასოვანი ცხოვრება შეუძლიათ და ამის ნათელი მაგალითი უამრავი ცნობილი ადამიანია.
წყარო: ქართულ-ბერძნული, კულტურულ-საგანმანათლებლო ცენტრი “პეგასი-მერანი”
#პეგასიმერანი
#drpkhakadze
#gochadze
#sheniemigranti
QR კოდი
სტატიის ციტირება
შენი ემიგრანტი. (2025). რა უნდა იცოდნენ მშობლებმა! აუტიზმი და მასთან დაკავშირებული გამოწვევები ბავშვებში. 23 ივლისი, 2025. https://sheniemigranti.ge/autizmi-bavshvebshi/
