რა ხანგრძლივობით და მიზნით შეიძლება ესტუმროთ საბერძნეთს მოკლევადიანი ვიზიტით – გზამკვლევი თქვენთვის

რა ხანგრძლივობის ვიზიტი შეიძლება ჩაითვალოს მოკლევადიანად? 

მოკლევადიანი ვიზიტი გულისხმობს საბერძნეთის რესპუბლიკის ტერიტორიაზე ნებისმიერი 180
დღის განმავლობაში 90 დღის ან 90 დღემდე ნაკლები პერიოდის გატარებას. ამავდროულად, 180
დღიდან 90 დაშვებული დღის გამოყენება შეიძლება გადაბმულად, ერთი ვიზიტის ფარგლებში,
ან დღეების გადანაწილებით.

რა მიზანი შეიძლება ჰქონდეს მოკლევადიან ვიზიტს?

მოკლევადიანი ვიზიტის მიზნობრიობა არ არის მკაცრად შეზღუდული. ვიზიტის დაგეგმვა
და განხორციელება შესაძლებელია როგორც პირადი, ისე სამსახურებრივი მიზნებიდან
გამომდინარე. მოკლევადიან ვიზიტად შეიძლება ჩაითვალოს, მაგალითად, ტურისტული
მოგზაურობა, ოჯახის წევრების, ნათესავების, ახლობლების მონახულების მიზნით მოგზაურობა,
საქმიან მოლაპარაკებებში თუ შეხვედრებში მონაწილება, საერთაშორისო კონფერენციებში,
სემინარებში, სიმპოზიუმებში, გამოფენებში და ა.შ. მონაწილეობა; მოკლევადიან სასწავლო
პროგრამებში, ტრენინგებში, სტაჟირებაში, გაცვლით პროგრამებში მონაწილეობისათვის
დაგეგმილი მოგზაურობა; სამედიცინო სერვისებით სარგებლობის მიზნით, ასევე
მკურნალობისათვის მოგზაურობა და ა.შ. რა მიზნითაც არ უნდა იყოს დაგეგმილი მოკლევადიანი
ვიზიტი, აუცილებელი და მნიშვნელოვანია, რომ მისი ხანგრძლივობა არ აღემატებოდეს
დაშვებულ 90 დღეს. აღსანიშანავია, რომ მოკლევადიანი ვიზიტის ფარგლებში დაუშვებელია
საბერძნეთის ტერიტორიაზე დასაქმება, თუნდაც მოკლე, 90 დღიანი პერიოდით.

რეკლამა

გზამკვლევის ავტორი იურისტი, ადვოკატი რევაზ კიკნაძე

წყარო: ქართულ-ბერძნული, კულტურულ-საგანმანათლებლო ცენტრი “პეგასი-მერანი”