ქართველი ემიგრანტების დახმარების ცენტრი — თქვენი მარჯვენა ხელი სამშობლოში
გვანცა ლომიამ, რომელიც იურისტი გახლავთ, დააარსა „ქართველი ემიგრანტების დახმარების ცენტრი“ — სივრცე, რომელიც უცხოეთში მცხოვრებ ქართველებს საქართველოში ყველა საბიუჯეტო და კერძო მომსახურებას ერთიანად სთავაზობს.
„მე კავკასიის მთების შვილს მომიწია საქართველოს დატოვება — რატომ? ოჯახს მატერიალურად უნდა დავხმარებოდი,“ — ეს სიტყვები მხოლოდ ერთი ემიგრანტის ისტორია არ არის. არაერთი მიზეზით დღეს მილიონზე მეტი ქართველი ცხოვრობს ემიგრაციაში. ისინი უცხო მიწაზე დამკვიდრებას ცდილობენ, იქაური ქუდი დაიხურეს, მაგრამ ფიქრებით, გულითა და სიყვარულით მაინც საქართველოში რჩებიან.
უცხოეთში მცხოვრებ ქართველებს ხშირად უწევთ საქართველოს ადმინისტრაციულ სისტემებთან ურთიერთობა — დაბადების მოწმობები, ნასამართლეობის ცნობები, ქორწინების მოწმობები, საბანკო ან იურიდიული დოკუმენტები.
სწორედ ამ საჭიროებიდან გამომდინარე შეიქმნა „ქართველი ემიგრანტების დახმარების ცენტრი“ — კომპანია, რომელიც ემიგრანტების სახელით და მათ ნაცვლად საქართველოში აგვარებს ყველა ოფიციალურ საკითხს.
ცენტრი ემიგრანტებისთვის იქცა ნდობით აღჭურვილ პარტნიორად, რომელიც მოქმედებს მათი „მარჯვენა ხელის“ პრინციპით:
- ✅ ავიღებთ ყველა საჭირო ცნობას საქართველოში;
- ✅ მოვამზადებთ და ვთარგმნით დოკუმენტებს;
- ✅ გავაფორმებთ ბინის ნასყიდობის ხელშეკრულებებს;
- ✅ გავამზადებთ აპოსტილსა და ნოტარიულ დადასტურებებს;
- ✅ დავეხმარებით სესხზე განაცხადის შევსებასა და პენსიის დანიშვნაში.
„ჩვენი მიზანია, ემიგრანტებს დავანახოთ, რომ სამშობლოში მათ ჰყავთ გუნდი, რომელიც ზრუნავს მათზე, იცავს მათ ინტერესებს და უზრუნველყოფს მათ დროსა და სიმშვიდეს,“ — ამბობს ცენტრის დამფუძნებელი გვანცა ლომია.
„ქართველი ემიგრანტების დახმარების ცენტრი“ ქმნის მაქსიმალურ კომფორტს თითოეული ემიგრანტისთვის — მარტივად, სწრაფად და სიზუსტით.
ცენტრთან დასაკავშირებლად გადადით ბმულზე – https://www.facebook.com/share/17KyPasLi6/
