ტელეწამყვანმა, ანა კოშაძემ „რუსთავი 2“-ზე, რუბრიკაში „დედა“ სტუმრობისას დედასთან ურთიერთობის განსაკუთრებულ, ემოციურ მომენტებზე ისაუბრა.
როგორც კოშაძემ აღნიშნა, დედა მძიმე სენს ებრძოდა.
„მიუხედავად იმისა, რომ დედა ჩემს გვერდით აღარ არის, ახლაც არის ჩემი მოტივაცია, ძალა და მხარდაჭერა. როცა ძალიან მიჭირს, კიდევ უფრო ხშირად მახსენდება. ხშირად მეუბნებოდა, რომ გარეგნობას არ აქვს ფასი, თუ ადამიანი არ იქნება შინაარსიანი და საინტერესო, სულ მიმეორებდა, უნდა იყო საინტერესო, უნდა განვითარდე. დროს კარგავ – მუდმივად ამას მიმეორებდა. ყველაზე მაგარი დედა იყო იმიტომ, რომ ყოველთვის მელაპარაკებოდა, ნებისმიერ აკრძალვასაც ახსნა-განმარტებას მოაყოლებდა ხოლმე. ერთი მომენტი ძალიან მტკივნეულად მახსოვს, სამსახურში რომ დამაწინაურეს, დედას ვახარე, მაგრამ იმდენად ცუდად იყო, რომ ემოცია ვეღარ გამოხატა, მაშინ მივხვდი, რომ მე მას ვკარგავდი. მადლიერი ვარ, რომ ის 28 წელი მაინც მქონდა, რომელიც მასთან გავატარე“, – აღნიშნავს ანა კოშაძე.
