კუნძული „თეთრი ზღაპარი“
თეთრ ზღაპარს უწოდებენ კუნძულ სანტორინს, რომელიც საბერძნეთს ეკუთვნის.
იგი ერთ-ერთი ყველაზე პოპულარული ტურისტული ადგილია. ცნობილია კლდეზე შეფენილი ქათქათა თეთრი შენობებით, ლურჯგუმბათიანი ეკლესიებით, ძველებური წისქვილებით, ეგეოსის ზღვის ულამაზესი ლურჯი ჰორიზონტით, სახლებისა და სასტუმროების წინ მზეზე მოლივლივე აუზებით, ვიწრო კოხტა ქუჩებითა და ყვავილებიანი ეზოებით.
კუნძულზე თეთრი და ლურჯი ფერი დომინირებს. სასტუმროების, რესტორნებისა თუ სუვენირების მაღაზიების ექსტერიერი და ინტერიერიც ამ ფერებშია გადაწყვეტილი. ტერასები ქოთნის ყვავილებითაა გალამაზებული.
კუნძულის კიბეებს ხშირად უწოდებენ ბედნიერებისკენ მიმავალ კიბეს. ამ კიბით ერთი პაწაწინა ეზოდან მეორეში აღმოჩნდებით , რადგან სანტორინი ფერადი ვიწრო ქუჩების ნამდვილი ლაბირინთია.
კუნძულის შემადგენლობაში 10-ზე მეტი ქალაქი და სოფელი შედის. მათ შორის ყველაზე პოპულარულია ოია. სწორედ ოიას ხედია სანტორინის მთავარი სიმბოლო.
წყარო
