ირაკლი ნინუა – ხანმოკლე განშორების შემდეგ კვლავ დაგიბრუნდით, ახლა უკვე ჩინეთის სახალხო რესპუბლიკიდან 🇨🇳.
ჩინეთს, და ასევე შანხაის, უკვე მეორედ ვესტუმრე – პირველად ძალიან დიდი ხნის წინ, რა თქმა უნდა, სავიზო რეჟიმის დროს.
მოგზაურობის შეგრძნებები
ირაკლი ნინუა მის შთაბეჭდილებებს გვიზაირებს -ძალიან მაინტერესებდა, რა შეგრძნება იქნებოდა ჩინეთის უვიზოდ სტუმრობა. ეს შეგრძნება იყო სიამაყე. .
მესაზღვრე საკმაოდ მეგობრული და კარგი შემხვდა. მკითხა, რა იყო მოგზაურობის მიზეზი და რამდენ ხანს ვგეგმავდი დარჩენას. აი, აეროპორტის თანამშრომლები, უფრო კონკრეტულად კი ჩაია ისთერნის პერსონალი, იყო საშინლად უხეში და არამეგობრული. არ უნდოდათ ჩემი აეროპორტიდან გაშვება და მითხრეს ზემოთ ადით ტრანზიტულ ზონაშიო. მე, რა თქმა უნდა, არ დავემორჩილე და როგორღაც გამოვიპარე და მესაზღვრეებს ვთხოვე დახმარება. . ბოლო- ბოლო, როგორც იქნა, გამოვაღწიე ტრანზიტული ზონიდან და გავეშურე შანხაის ყველაზე “iconic” ადგილისაკენ – THE BUND.
შანხაის აეროპორტიდან ბუნდთან მოხვედრა მეტროთი შეიძლება, რაც 1 დოლარზე ნაკლები დაგიჯდებათ. მგზავრობის დრო 1 საათია, თუმცა არ დაგავიწყდეთ, რომ შანხაი არის მსოფლიოს ერთ-ერთი უდიდესი ქალაქი – 28 მილიონიანი მოსახლეობით!
ზაფხულში აქ ჩამოსვლას მტერს არ ვურჩევ. . “მხოლოდ” 38 გრადუსი იყო, თუმცა დუბაის 53 გრადუსზე გაცილებით უარესად ასატანი.
მთავარი გაფრთხილება ჩემგან: ჩინეთში არ მუშაობს საიტების უმეტესობა. არც Gmail გექნებათ, არც ვოთსაფი, არც ტელეგრამი. თქვენს ახლობლებსაც კი ვერ გააგებინებთ, რომ კარგად ჩახვედით. რამდენიმე ვიპიენი მქონდა, მაგრამ ეს უფასო ვიპიენები აქ არ ფუნქციონირებს. საჭიროა ფასიანი ვიპიენები, რომლებიც ქვეყანაში ჩამოსვლამდე უნდა დააყენოთ. ჩინეთის ტერიტორიაზე ვერ გადმოწერთ ვერც ვიპიენს და ვერც რომელიმე აპლიკაციას, რადგან გუგლის მაღაზიაც დაბლოკილია. თუმცა მაღაზიას ვინ დაეძებს – არც გუგლის რუკებია აქ და არც თვითონ გუგლი, ანუ საძიებო სისტემა.
ფოტო: Alex Moliski / Pexels
