დღეს პარიზის ძალიანი მნიშვნელოვანი ადგილი მინდა გაგაცნოთ.
ეს არის პარიზის ყველაზე ძველი სახლი, რომლოს მშენებლობაც 1937 წელს დაიწყო და 1407 წელს დასრულდა და ეს არ არის უბრალოდ ძველი სახლი, იქ ნიკოლა ფლამელი ცხოვრობდა, ცნობილი ალქიმიკოსი, რომელმაც საუკუნეების მანძილზე მისი სახელი დაიმკვიდრა და დღესაც ინტერესის წყაროა, მისი სამუშაოებიდან გამომდინარე. მის სამუშაოებზე სხვა დროს ვისაუბროთ, დღეს ნიკოლა ფლამელს და მის მეუღლეს, პერნელას გავეცნოთ, თან ამ ადგილზე მოგიყვებით, თუ რა მიზნით იყო ის აშენებული და რას ემსახურებოდა.
ნიკოლა ფლამელი ღარიბ ოჯახში დაიბადა და იმ დროს სახელის მოხვეჭა, მხოლოდ დიდგვაროვნებს შეეძლოთ. უდავოდ ნიჭოერი და დღევანდელი საზომით, მაღალი “აიქიუს” მქონე ნიკოლამ, შეძლო კვალი დაეტოვებინა ისტორიაში. საკუთარი შრომით მიაღწია ამ ყველაფერს, მაგრამ მას ბედმაც გაუღიმა, როდესაც მის მეუღლეს შეხვდა, რომელიც ბურჟუაზიული ოჯახიდან იყო და შესაბამისად შეძლებულიც. ორივე ქველმოქმედები იყვნენ და ეს სახლიც ამ მიზეზით აშენდა, პირველი სართული კომერციული ფართი იყო, დანარჩენი კი უსახლკარო და ღარიბი ადამიანების თავშესაფარი, სადაც დილას და საღამოს საკვებს იღებდნენ.
