მარტო მოგზაურობა საზღვარგარეთ შეიძლება ძალიან სასარგებლო გამოცდილება და თავგადასავლებით სავსე იყოს.
თქვენ გეძლევათ შესაძლებლობა მოინახულოთ ახალი ადგილები, შეხვდეთ ახალ და განსხვავებულ ადამიანებს და ცოტა ხნით გამოხვიდეთ თქვენი კომფორტის ზონიდან.
თუმცა, მარტო მოგზაურობა შეიძლება მოულოდნელობებით იყოს სავსე, ამიტომ მნიშვნელოვანია მზად იყოთ ამისთვის და მიიღოთ გარკვეული ზომები უსაფრთხო და სასიამოვნო მოგზაურობის უზრუნველსაყოფად.
ხოლო, თუ ზედმეტი პრობლემებისგან თავის აცილება გსურთ, ინდივიდუალური ტურიშესანიშნავი გზაა მარტო მოგზაურობისთვის.
1. დაგეგმეთ წინასწარ
სანამ მარტო მოგზაურობას გადაწყვეტთ, მნიშვნელოვანია შეარჩიოთ დანიშნულების ადგილი და მოიძიოთ სხვადასხვა ინფორმაცია მის შესახებ.
ასევე, მნიშვნელოვანია წინასწარ გქონდეთ განსაზღვრული თუ რას მოინახულებთ, სად წახვალთ და ა.შ. ეს დაგეხმარებათ იყოთ მეტად ორგანიზებული და მაქსიმალურად გამოიყენოთ თქვენი დრო.
დაიწყეთ თქვენი დანიშნულების ადგილის კულტურის და წეს-ჩვეულებებისა შესწავლით, რაც დაგეხმარებათ თავიდან აიცილოთ ნებისმიერი გაუგებრობა და გამოიჩინოთ პატივისცემა ადგილობრივი მოსახლეობის მიმართ.
შეადგინეთ მოგზაურობის მარშრუტი თუ რომელი ღირშესანიშნაობის მონახულება გსურთ, რომელ აქტივობაში გსურთ მონაწილეობის მიღება, ან რომელ რესტორანს თუ ბარს გინდათ ეწვიოთ.
და რა თქმა უნდა, წინასწარ დაჯავშნეთ ყველაფერი რისი დაჯავშნაც შესაძლებელია – სასტუმრო, შიდა ტრანსპორტირება, მუზეუმი თუ სხვა.
მარტო მოგზაურობის გასამარტივებლად, შეგიძლიათ გამოიყენოთ ტურისტული სააგენტო, რომელიც ბევრ რამეს თქვენს მაგივრად გააკეთებს.
2. არ გაწყვიტოთ კონტაქტი
მარტო მოგზაურობა შეიძლება საინტერესო იყოს, მაგრამ მნიშვნელოვანია, რომ მუდმივი კონტაქტი გქონდეთ ოჯახის წევრებთან და მეგობრებთან.
უსაფრთხოებისთვის აუცილებელია მუდმივად ეკონტაქტოთ თქვენ ახლობლებს, რადგან იცოდნენ რომ უსაფრთხოდ ხართ და რაიმე პრობლემის შემთხვევაში, დახმარება აღმოგიჩინონ.
საკონტაქტოდ შეგიძლიათ გამოიყენოთ სოციალური მედია ან სხვადასხვა შეტყობინებების აპლიკაცია, რომელიც თქვენთვის უფრო მოსახერხებელია.
მარტო მოგზაურობისას, აუცილებელია მუდმივი კონტაქტი ახლობლებთან და ეს დღევანდელ დღეს არ წარმოადგენს სირთულეს.
3. იყავით ყურადღებით
მნიშვნელოვანია, რომ მარტო მოგზაურობისას სხვადასხვა დეტალი იცოდეთ იმ გარემოს შესახებ, სადაც იმყოფებით.
ეს ნიშნავს იმას, რომ ყურადღება მიაქციოთ გარემოს, თავიდან აიცილოთ სახიფათო ადგილები და მიიღოთ სიფრთხილის ზომები საკუთარი თავის და თქვენი ნივთების დასაცავად.
ნივთები, როგორიცაა საფულე, მობილური ტელეფონი თუ სხვა, ყოველთვის გქონდეთ შენახული დაცულ და უსაფრთხო ადგილას. თუ რომელიმე ნივთი არ გჭირდებათ, უმჯობესია სასტუმროში დატოვოთ.
ასევე, არ დატოვოთ უყურადღებოდ თქვენი ჩანთა და თუ შეამჩნევთ რომ არასასიამოვნო გარემოში მოხვდით, ჯობია გაეცალოთ.
4. არ შეგეშინდეთ სიახლეების
გარდა ამისა, მარტო მოგზაურობა შეიძლება იყოს შესანიშნავი შესაძლებლობა, სცადოთ სიახლეები და გამოხვიდეთ თქვენი კომფორტის ზონიდან.
იქნება ეს ახალი კერძის დაგემოვნება, უცხო ქალაქის ქუჩებში ხეტიალი თუ სრულიად განსხვავებულ ხალხთან კომუნიკაცია, იყავით ღია ახალი გამოცდილებისთვის და არ შეუშინდეთ თავგადასავლებს.
ასევე, თუ ზამთარში მოგზაურობა გადაწყვიტეთ, შესაძლოა ექსტრემალურ სიტუაციაში აღმოჩნდეთ, რაც კარგი გამოცდილება აღმოჩნდეს.
შესაძლოა, უცხო ქვეყანამ და გარემომ ახალი ჰობი ან ინტერესი გაგიჩინოთ, ან ახალი მეგობრები შეიძინოთ. გახსოვდეთ, რომ საუკეთესო გამოცდილებები და შთაბეჭდილებები ხშირად კომფორტის ზონიდან გასვლის შედეგია.
რა თქმა უნდა, არ მოადუნოთ ყურადღება და ყოველთვის ფრთხილად იყავით. თუმცა, ეს არ ნიშნავს რომ მუდამ დაძაბული იყოთ.
5. მზად იყავით მოულოდნელობებისთვის
მიუხედავად იმისა, რომ მოგზაურობის გასამარტივებლად მნიშვნელოვანია წინასწარ დაგეგმვა, ასევე ძალიან მნიშვნელოვანია მზად იყოთ ნებისმიერი მოულოდნელი სიტუაციისთვის.
სრულიად მარტო მოგზაურობა შეიძლება არაპროგნოზირებადი იყოს და ყველაფერი გეგმის მიხედვით არ წავიდეს.
შეიძლება ავტობუსის რეისზე დაგაგვიანდეთ და სხვა ბილეთი შეძენა დაგჭირდეთ, გზა აგებნათ უცხო ქალაქში ხეტიალის დროს, ან სრულიად შეგეცვალოთ გეგმა სხვადასხვა მიზეზის გამო.
ამიტომ, აუცილებელია მსგავსი სიტუაციებისთვის მზად იყოთ და მუდამ იქონიოთ ქალაქის რუკა, ზედმეტი თანხა გაუთვალისწინებელი სიტაციებისთვის და რა თქმა უნდა, კონტაქტი ოჯახის წევრებთან და მეგობრებთან.
ასე, რომ მარტო მოგზაურობის დროს, აუცილებელია იყოთ მოქნილი და მარტივად მოახდინოთ ახალ სიტუაციასთან ადაპტირება.
შეჯამება
მარტო მოგზაურობა შეიძლება სავსე იყოს თავგადასავლებით და საკუთარ თავიში ახალი თვისებები აღმოაჩინოთ. თუმცა, მას შეიძლება ახლდეს მოულოდნელობები და სწორედ ამიტომ, აუცილებელია გაითვალისწინოთ ეს რჩევები, რადგან თქვენი მოგზაურობა უფრო მშვიდი, დასამახსოვრებელი და დადებითი ემოციებით იყოს სავსე.
მასალის გამოყენების პირობები
