რა ხდება საბერძნეთში ახლა
საბერძნეთი კლიმატური პირობების გამო, ხშირად დგას ხანძრის საშიშროების წინაშე და უმეტეს შემთხვევაში, სამწუხაროდ, უკონტროლო ხდება ხანძრების გავრცელების არეალი.
ატიკას რეგიონი და მისი შემოგარენი, ფიჭვის და წიწვოვანი ტყეებითაა გარშემორტყმული, ჰავა ცხელი და ეგეოსის ქარი კი დამხმარე ხდება აალების და შემდეგ უკვე ხანძრის გადამტანიც.
ბოლო დღეებში, ატიკას რეგიონში, ჯერ შემოგარენში და შემდგომ უკვე ათენის გარეუბნებში, გაჩნდა რამდენიმე ხანძრის კერა, თითქმის ერთდროულად დაწყებული ხანძარი, პრობლემურს ხდის რეაგირებას. ქარს ადვილად გადააქვს ალი და მრავლად ჩნდება ახალი კერები, ელვის სისწრაფით.
სახელმწიფო მექანიზმი, ვერც ამჯერად გაწვდა დროულად მოეხდინა რეაგირება და 80 კილომეტრზე მეტი ფართობის ხანძარი, 2-3დღის განმავლობაში ერტყა გარს ათენს.
დაიწვა ტყეები, საცხოვრებელი სახლები, მეცხოველეობის ფერმა და უამრავი სხვა ნაგებობა.
საჭირო გახდა მოსახლეობის ევაკუაცია და ამ პროცესს 10 წუთამდე დასჭირდა.
გამოცხადებულია პირველადი დახმარების და საჭირო ნივთების შეგროვება. სახანძრო და სამაშველო სამსახური საგანგებო რეჟიმში აგრძელებს მუშაობას.
აღსანიშნავია რომ, სახანძრო სამაშველო სამსახურის და პოლიციის თანამშრომლები, ენით აღუწერელ სამუშაოს ასრულებენ და მათ მხრებზე გადადის ყოველთვის რთული სიტუაცია.
ავტორი: სალომე დოლაბერიძე
მასალის გამოყენების პირობები
